Pas lënies zyrtarisht të detyrës si ministër për Evropën dhe Punët e Jashtme të Shqipërisë, figura të njohura të politikës ndërkombëtarr kanë shprehur vlerësime për punën e Bushatit në krye të diplomacisë shqiptare dhe përpjekjeve të tij për forcimin e rolit të Shqipërisë në rajon dhe në botë.

“Faleminderit Ditmir për punën tuaj, bashkëpunimin e mirë dhe miqësinë! Gjithë të mirat në të ardhmen. Margot Wallstrom”, shkruan ministrja e Jashtme e Suedisë.

Michael Roth, ministri gjerman për Europën e quan Bushatin një europian të angazhuar. “Një lider politik i guximshëm, një mik i mirë dhe një europian i angazhuar. Shumë faleminderit i dashur Ditmir Bushati! Do na mungosh”, shkruan Roth.

Edhe Knut Fleckenstein, eurodeputeti mjaft i angazhuar për Shqipërinë ka një mesazh për ish ministrin, ku shprehet se rrugët e tyre do të kryqëzohen sërish. “Faleminderit për bashkëpunimin shumë të mirë! Unë shpreosj, ne do të takohemi sërish. Herët a vonë rrugët tona do të kryqëzohen prapë. Dhe unë po pres për këtë moment”, shkruan Fleckenstein.
Nuk kanë munguar as urimet e homologëve të tjerë të Bushatit dhe bashkëpunëtorëve në arenën ndërkombëtare, të cilët krahas urimit në vazhdim, pa dyshim shprehin dëshirën për bashkëpunime të tjera në të ardhmen, në forcimin e rolit të Shqipërisë në arenën ndërkombëtare.
