Shumë ushqime të ndryshme mund të ruhen në enë hermetike ose qese në ngrirje për një kohë të gjatë në frigorifer. Ka disa ushqime që nuk na shkon mendja t’i ruajmë në këtë mënyrë. Ja cilat janë ato:
Vezët
Nëse keni blerë shumë vezë ose dëshironi t’i ruani ato për një periudhë të mëvonshme meqenëse çmimet po rriten, mbajini ato në ngrirje. Përpara se t’i ngrini çajini dhe hidhini në një tas.
Speca djegës të thatë
Nëse ju pëlqen të shtoni pak djegës në vaktet tuaja, merrni parasysh ruajtjen e specave djegës të thatë të plotë në frigorifer. Ata janë çelësi i shijes për supa, mish, salca etj.
Fruta të pjekura
Nëse keni fruta që mund të prishen përpara se t’i konsumoni, mos i hidhni por futini në frigorifer. Psh mund të ruani bananet e qëruara, të cilat janë të mira për akullore ose smoothie. Gjithashtu ngrirja e manaferrave apo frutave të pyllit është një zgjedhje e zgjuar.
Bukë në kubikë
Ndërsa ruajtja e bukës në ngrirje nuk është krejtësisht e panjohur ndoshta, mënyra se si e prisni, në këtë rast në kubikë do t’ju kursejë kohë. Nëse e prisni bukën në kubikë, ajo do të jetë gati për t’u përdorur për mbushje, puding etj.
Vera
Nëse keni frikë se vera e mbetur në shishen që keni hapur për një darkë kur ju kanë ardhur miq, do t’ju prishet, mos e hidhni por futeni në ngrirje.
Kafe
Ruajtja e kafesë së mbetur mund të bëhet në ngrirje, në kubikë. Kubat mund t’i përdorni për t’i hedhur në qumësht të nxehtë.