Heroi i “SAS”, Mark “Billi” Billingham ka kujtuar skenat e tmerrshme të përjetuara gjatë kohës që ai ishte në një mision vëzhgimi në Bosnje. Tashmë 57 vjeç, Billi iu bashkua trupës speciale në vitin 1991 pasi u përfshi në përleshje të rrezikshme me bandat në Birmingham, teksa më herët ishte qëlluar dhe me thikë në kurriz.
“Kishte një incident të veçantë, unë kisha qenë atje vetëm disa javë dhe kam parë qindra trupa në rrugë, kishte kafshë të ngordhura në rrugë… Ishte një zonë lufte,” tregoi ai.
Billy përshkroi se si skuadra e tij kishte vëzhguar një fshat që ishte nën sulmin e Tigrave të Arkanit, një grup special mercenarësh serbë që kishte spastruar etnikisht popullin boshnjak. Dhe, pasi sulmi kishte përfunduar, ushtaraku vështirë se mund ta besonte pamjen e tmerrshme që hasi.
“Ne u kthyem disa ditë më vonë, dhe ndërsa zbritëm atje, kishte vetëm trupa kudo, lumi ishte i kuq nga gjaku. Nuk kam parë kurrë diçka të tillë, ishte si një set filmi,” kujton ai.
“Ndërsa po zbrisja pranë këtij kopshti, aroma e vdekjes ishte e pabesueshme… Në kopsht, dukej sikur dikush kishte ngritur një zjarr. E dija se çfarë ishte, mund ta nuhasja dhe mund të shihje gjakun dhe gjërat në bar. Ishin trupa. Ata ishin nga fshati që sapo ishte pastruar.”- tregon ai.
Pavarësisht se kishte kaluar një proces rigoroz trajnimi me SAS dhe kishte hasur tmerret e luftës civile në Irlandën e Veriut, Billi pranoi se ishte shumë e vështirë për të kuptuar skenën e tmerrshme që kishte përpara.
“Kishte gjithçka, nga fëmijët, ushtarët, të moshuarit në atë grumbull. Ishte një nga ato momente në kohë kur nuk mund ta bëja me kokë.” tregoi ai.