Franca ka prezantuar një automjet të blinduar të emërtuar “Kosova”, me rastin e ditës së Bastijës në Champs-Elysees.
Në paradën ushtarake për festën kombëtare të shtetit, morën pjesë forca të ndryshme. Nderimet kryesore shkuan për Indonezinë, shtet me të cilin Franca ka formuar një partneritet strategjik në Indo-Paqësor.
Xhandarmëria gjithashtu mori pjesë në paradë me automjete të blinduara, njëra prej të cilave së fundmi mori emrin “Kosova”.
Autoritetet shpjegojnë se ky emërtim vjen për të nderuar betejat e rëndësishme, operacionet ndërkombëtare dhe virtytet ushtarake.
Sipas raportimeve të mediave, emërtimi “Kosova” të një autoblinde ushtarake konsiderohet si një nderim i veçantë për angazhimin francez në territorin e Kosovës dhe marrëdhëniet me autoritetet e Kosovës.