Ministrja e Mbrojtjes Olta Xhaçka i është përgjigjur kërkesës së Metës për Shefin e Shtabit të FA, përsa i përket ushtrisë në Rinas. Ajo tha se nuk është e nevojshme të njoftohet presidenti pasi nuk po shkojmë në luftë. Ajo tha se nuk bëhet fjalë për dislokim trupash, por patrullim në perimetrin e sigurisë.
“Nuk ka pse njoftohet presidenti se nuk po shojmë në luftë. Nuk ka cënim të sigurisë kombëtare. Nuk bëhet fjalë për siguri brenda, nuk është detyra jonë. Ne do të patrullojmë perimetrin e sigurisë së aeroportit. Forca jonë Ajrore është as 1 km larg aeroportit, ose hyrjeve kryesore të aeroportit. Gjysma e pistës ju thashë është infrastrukturë ushtarake, perimetrin e sigurisë së aeroportit, jo për të hyrë brenda. Mos harroni, është një praktikë e ndjekur në shumë vende të tjera, dhe ngjarje të tilla ndoshta dhe më të frikshme i kemi parë dhe në vende të tjera. Të marrim përsipër përgjegjësitë që na takojnë”, tha Xhaçka.
Ajo përjashtoi një debat kushtetues teksa kërkoi përshëndetjen e këtij vendimi pasi ofron siguri.