Zhvillimet në lidhje me vaksinën e koronavirusit janë të shpejta në orët e fundit, me lajmet inkurajuese që vijnë njëra pas tjetrës, duke na dhënë një arsye për të buzëqeshur pas betejës së gjatë me virusin vdekjeprurës.
E ndërsa Shqipëria pagoi kaparin, në vendin fqinj vaksinat e para do të arrijnë në dhjetor. Televizioni “MEGA” raportoi se rreth Krishtlindjeve pritet të arrijnë 200,000 dozat e para të vaksinës në Greqi.
“Fillimisht do të vaksinohet stafi mjekësor” raporton “MEGA”. Qëllimi i Greqisë është që të vaksinohen deri në 50% të popullsisë deri në Pashkë.