Teksa vaksinimi masiv i qytetarëve kundër Covid 19, po vazhdon në Tiranë dhe qytete të tjera të Shqipërisë, Taulant Balla, i Partisë Socialiste, e krahason vaksinimin në Shqipëri me procesin në Gjermani.
“Ne nuk jemi të dytët pas Gjermanisë në ekonomi apo shërbim shëndetësor, por sot jemi në të njëjtin nivel vaksinimi me vendin që ka ekonominë më të fortë në Europë”, shkruan Balla, në një postim në “Facebook”.
“Nderi është i gjithi i yni që kemi privilegjin e jashtëzakonshëm t’ju shërbejmë juve, gjysheve e gjyshërve të Shqipërisë, në këtë kohë lufte ku me durim e këmbëngulje të madhe, po e fitojmë përditë përballjen me më të keqen!”