Në Tiranë u mbajt këtë të enjte Samiti i Ballkanit Perëndimor me komisionerin europian për zgjerimin, Oliver Varhelyi. Ky i fundit në konferencën e përbashkët me kryeministrit Edi Rama dha dhe lajmin e mirë se shumë shpejt qytetarët do të lëvizin me karta identiteti.
“Do të ketë gjëra më të mëdhaja, qytetarët të lëvizin me karta identiteti. Ne jemi të gatshëm që të rikonfimojmë angazhimin tonë që e kemi vënë në tryezë me investimet tona. Ky plan nuk ka për të funksionuar nëse rajoni nuk funksionon si i tërë. Nuk ka kuptim për të punuar më shumë për këto hekurudha nëse trevat do të hasin vështirësi. Nëse do të ketë 600 certifikata për mallrat. Plani do të jape rezultat nëse ky rajon do të punë. Lajmi që unë solla është se ne kemi një marrëveshje ne BE për financimin e këtij plani, e kemi arritur me Këshillin dhe PE për programin IPA 3. Do të jetë mekanizëm me anë të cilit do të financohet plani. Në duam që të fillojmë sa më shpejt me këtë plan. Ne po hymë në këtë muaj që është dhe kritik. Ne në BE dëshirojmë që të organizoehn konferenca ndërqeveritare, duam që të organizohen dy konferencat e para me Shqpëribë dhe Maqedoninë. Ky muaj, vit do të jetë muaji i Ballkanit perëndimor”, u shpreh Varhelyi.
Varhelyi vlerësoi punën e bërë nga vendet e rajonit duke thënë në korrik duhet të arrijmë atje ku duam.
“Këta udhëheqës kanë bërë përparime. Duhet të arrijmë atje ku duam deri në korrik. Ne po shikojmë edhe rezultatet e para. Është marrëveshja pa tarifa roaming në të gjithë Ballkanin Perëndimor. Është një arritje shumë e madhe. Do të ketë gjëra të tjera si lëvizja vetëm me karta identiteti, njohja e diplomave dhe heqja e lejes për punë”, tha ai.
Përsa i përket negociatave, eurokomisioneri për zgjerimin tha se ky është qershori i vendimeve dhe palët po punojnë fort për të gjetur zgjidhje.
“Ky muaj është kritik. Është qershori i vendimeve, Ne po punojmë fort. Kjo është periudha e diplomacisë së heshtur që ne të gjejmë zgjidhje. Presidenca e BE është e përkushtuar për të gjetur zgjidhje. Ne jemi të angazhuar dhe duam që kjo gjë të ndodhë”, tha komisioneri.