Vau i Dejës/ Denoncimi i sekretarit të PS: Më kërcënoi me jetë djali i kryetarit të bashkisë Eduard Hila

Sekretari për mediat dhe çështjet sociale i PS Vau Dejes Agron Ceka është kërcënuar me jetë nga shtetasi Eduart Hila, djali i kryetarit të bashkisë Vau Dejes Zef Hila. Eshte vetë Agron Ceka ai që ka bërë këtë denoncim publik duke pretenduar se ka marrë një kërcënim. Sipas Cekes, djali i kryebashkiakut ka shkuar tek banesa e tij mesditen e djeshme dhe i ka kërkuar që të mos postojë dhe të mos bëjë komente te faqja e Partisë Socialiste Vau Dejes në Facebook kundër babait të tij që është kryetar bashkie. Ceka pretendon se Eduart Hila i ka thënë se nëse vijon postimet do të ekzistojmë në këtë botë ose unë ose ti. Këtë kërcënim sekretari i PS në Vau Dejës për mediat dhe çështjet sociale e quan nje skandal te vertete dhe kerkon qe strukturat e policise te nderhyjne per te ndaluar keto kercenime qe vijne nga njerezit e kryebashkiakut Hila. Ceka u shpreh se per kete ngjarje do te beje kallezim penal ne policine vendore te Shkodres.