Një 34-vjeçare nga Librazhdi ishte viktima më e re në moshë nga koronavirusi, e cila vuante dhe nga diabeti. Duke folur në emisionin “Me zemër të hapur”, vëllai dhe babai i të ndjerës mendojnë se ajo është infektuar në QSUT.
“Tamponin e kanë bërë kur ishim te 6-katëshi ku u transferua nga reanimacioni dhe na thanë se ka dalë me koronavirus. Mendoj se motra mund të jetë infektuar vetëm te 6-katëshi në QSUT, jo në vend tjetër. Po të ishte infektuar ajo do të isha infektuar dhe unë. Unë e kam bërë tamponin dhe nusja ime, dhe më ka dalë negativ. Babai na lajmëruan sot se ka dalë pozitiv, duhet të karantinohemi”, thotë Xhuli Kushta, vëllai i të ndjerës.
Ai ka treguar se motra e tij vuante prej 20 vitesh nga diabeti, që në moshën 15-vjeçare.