Kryetari i Partisë së Lirisë, Ilir Meta ka zhvilluar këtë të hënë homazhe në selinë e ambasadës britanike në Tiranë. Ish-presidenti ka shprehur ngushëllimet për ndarjen nga jeta të Mbretëreshës Elisabeth II, ndërsa nga pamjet e publikuara shihet i shoqëruar nga Monika Kryemadhi dhe nënkryetari i PL, Agim Nesho.
“Sot në emër të Partisë së Lirisë, në ambientet e Ambasadës Britanike në Tiranë, i shpreha ngushëllimet Ambasadorit Britanik, Shkëlqesisë së Tij z. Alastair King-Smith, për ndarjen nga jeta të Madhërisë së Saj, Mbretëreshës Elizabeth II. Populli shqiptar do t’i jetë gjithmonë mirënjohës për mbështetjen e Saj të jashtëzakonshme ndaj Shqipërisë dhe shqiptarëve, sidomos në momentet më të vështira.”