Vdekja misterioze e ministrit të Jashtëm të Bjellorusisë, Vladimir Makei, ka tronditur vendin. Mediat ndërkombëtare raportojnë se tashmë presidenti Lukashnko është në ankth për një atentat të mundshëm ndaj tij dhe për këtë arsye ka ndërruar stafinë e sigurisë, por edhe atë të kuzhinierëve.
Madje raportohet se për të hequr çdo dyshim, Lukashenko ka urdhëruar dhe kryerjen e testeve toksikologjike në trupin e ish diplomatit për të sqaruar të gjitha pretendimet për një vrasje me helm.
Dyshimi kryesor është se ministri mund të jetë vrarë dhe se i gjithi ishte një mision i brendshëm, i urdhëruar nga Rusia, në mënyrë që Lukashenko të detyrohej që t’i bashkohej luftës kundër Ukrainës. Mesazhi i kësaj vrasjeje mendohet të jetë një paralajmërim për presidentin bjellorus se mund të jetë ai i radhës, nëse nuk i bindet Moskës.