Bette Nash, stjuardesa më jetëgjatë në botë, ka vdekur në moshën 88-vjeçare pas gati 67 vitesh në qiell.
Nash filloi të fluturonte me Eastern Airlines në 1957 dhe kryesisht punonte në fluturimin midis Uashingtonit dhe Bostonit, në mënyrë që të mund të ishte në shtëpi çdo natë për t’u kujdesur për djalin e saj.
Ishte romanca dhe magjepsja e fluturimit që e tërhoqi fillimisht Nash-in në punë.
“Doja të bëhesha stjuardesë që nga momenti kur hipa në aeroplanin e parë, isha 16 vjeç”, tha ajo për CNN.
“Piloti dhe stjuardesa po ecnin nëpër pistë dhe unë mendova ‘Oh im Zot’ dhe thashë se kjo është për mua.”
Sipas Guardian, në vitin 2022 ajo fitoi një rekord botëror Guinness si stjuardesa më jetëgjatë.
Ajo kurrë nuk u tërhoq zyrtarisht nga roli i saj në American Airlines dhe vdiq më 17 maj në një bujtinë pas një diagnoze të fundit të kancerit të gjirit.