Një nga të mbijetuarit e tërmetit në Siri, Abdulrahman Ali al-Mahmoud, ka rrëfyer i pikëlluar sesi humbi 20 anëtarë të familjes së tij.
Në videon e publikuar nga “Reuters”, Mahmoud dëgjohet teksa tregon me dhimbje se si e bija dhe bashkëshortja humbën jetën në krahët e tij.
“Vajza ime e vogël vdiq në krahët e mi dhe gruaja ime vdiq pranë meje…Nuk e di kush e varrosi vajzën time… ne donim ta varrosnim pranë nënës së saj, askush nuk po na përgjigjej.”
“Ne do të jetojmë në një realitet tjetër. Do të doja të kthehesha në jetën time normale, por si? Miqtë tanë janë zhdukur, të gjithë fqinjët tanë janë zhdukur. Unë nuk mendoj se dua të jetoj më. Ngjan si një makth nga i cili u zgjuam dhe gjetëm gjithçka në gërmadha”, tha Akab, ndërsa kërkonte në rrënojat e ndërtesës së shembur për ndonjë shenjë të të mbijetuarve.