Dhjetë persona kanë humbur jetën në një aksident ajror në veri të Moskës, ndërsa raportohet se në bordin e avionit ndodhej edhe shefi i Wagner, Prigozhin.
Një parashikim i bërë për fatin e tij pak ditë më parë, rezultoi i vërtetë.
“Brenda gjashtë muajve ose Prigozhin do të vdesë ose do të ketë një grusht shteti të dytë kundër Putinit”.
Ky ishte parashikimi që tërhoqi vëmendjen pasi u shqiptua nga Christo Grozev, kreu i hetimeve për Rusinë i Bellingcat, faqja ndërkombëtare e investigimeve gazetareske, si dhe autor i shumë lajmeve mbi komplotet dhe atentatet e organizuara nga Kremlini.