Kryetari i bashkisë së Tiranës Erion Veliaj ka publikuar pamjet nga punimet që po kryhen në shkollën e re në kryeqytet, ku siç shihet, është ngritur edhe kati i dytë.
“Të besosh në një ëndërr është njësoj si të besosh në një të ardhme më të bukur! Edhe pak kohë na ndan nga realizimi final i shkollës “Sami Frashëri”. Forca!!!” , shkruan Veliaj.
Shkolla e re “Sami Frashëri”,që po ndërtohet në të njëjtin vend ku ishte shkolla e vjetër, në Rrugën e Barrikadave, do të jetë dy herë më e madhe, me një kapacitet pritës prej 1500 nxënësish, 50 klasa, 7 laboratorë dhe bibliotekë.