Pak orë më parë, kryebashkiaku i Tiranës Erion Veliaj ka publikuar në rrjetet sociale një video vërtetë interesante nga Kina.
Në video shfaqen disa nxënës kinezë të cilët këndojnë në gjuhën shqipe këngën e Alban Skënderaj ‘Mirëmngjes’.
Ajo çfarë vihet re është se ata kanë një rrjedhëshmëri në artikulim dhe një performancë shkëlqyer.
Mirëpo, Veliaj nuk ka nguruar që këtë mikëpritje ta shoqërojë me disa fjalë plot humor duke etiketuar Albanin dhe Noizyn.
‘Eci në Kinë me 30 vetë. Alban Skenderaj se mos e merr vesh Noizy sa fansa ke në Kinë se na fike…’, shkruan Veliaj.
Kujtojmë që kryebashkiaku i Tiranës ndodhet në Kinë për një vizitë zyrtare dhe u prit në një takim nga kryetari i Bashkisë së Pekinit, Chen Jining.