Mësohen detaje sa i përket vendimit të Gjykatës Kushtetuese për kthimin në detyrë të Erion Veliajt si kryebashkiak i Tiranës. Mësohet se në vendim thuhet që Neni 115 i Kushtetutës qëndron me lart se ligji për vetëqeverisjen vendore dhe se kryetari i bashkisë mund të shkarkohet vetëm për shkelje të rënda. Në vendim shtohet edhe se Këshilli Bashkiak shkeli ligjin me vendimin për shkarkimin e Veliajt.
Kryetari i PD-së, Sali Berisha ka reaguar pasi Gjykata Kushtetuese vendosi që të mos ketë zgjedhje në Bashkinë e Tiranës dhe që Erion Veliaj do të vijojë të jetë kryetar. Berisha teksa përshëndeti vendimin, të cilin e cilësoi në përputhje me ligjin, shtoi se ai ishte një dhuratë e Ramës për Veliaj, pas shkeljes së të drejtave të këtij të fundit.
Vendimmarrja në trupen e gjyqtarëve ka qenë 5-3 në favor të rrëzimit të vendimit të qeverisë ”Rama 4” që shkarkonte kryebashkiakun e Tiranës, pas propozimit që i kishte bërë Këshilli Bashkiak i Tiranës.