Kryebashkiaku i arrestuar Erion Veliaj është transferuar nga Blloku i Sigurisë drejt GJKKO, aty ku do të njihet me masën e sigurisë.
Teksa futej në ambientet e gjykatës, qindra mbështetës të kryebashkiakut Veliaj janë mbledhur pranë Gjykatës së Posaçme kundër Korrupsionit dhe Krimit të Organizuar.
Në këto momente ka nisur seanca verifikuese ndaj kryetarit të Bashkisë Erion Veliaj, bashkëshortes së tij Ajola Xoxa të dyshuar për korrupsion në bashkëpunim me njëri-tjetrin dhe pastrim parash.
Në të njëjtën seancë janë edhe biznesmeni Elman Abule, i dyshuar për pastrim parash dhe pesë të tjerët detyrim paraqitje që janë Gentian Sula, Fatmir Bektashi, Meriman Palushi, Sokol Kryeziu dhe Shkëlqim Fusha.