Ka nisur sot prishja dhe rindërtimi më pas i disa shkollave të shpallura jo të sigurta pas tërmetit të 26 nëntorit, dhe mes tyre është dhe gjimnazi me emër i Tiranës, “Sami Frashëri”.
Kryebashkiaku Erion Veliaj ka treguar mes batutash nga njerëz të njohur e politikanë që kanë përfunduar këtu studimet e shkollës së mesme.
“Sot kam komunikuar duke filluar me dajën, Dash Shehin që ka qenë nxënës këtu, kam komunikuar me Presidentin Meta, me ish kryeministrin Fatos Nano i cili më dha batutën që nuk e prisja: Shoku Fatos gjithmonë është njohur për humor e batuta, tha: Mjaft që m’i prishët të gjitha planet që kisha në jetë, tani më prishët edhe shkollën! I premtova që do e ftoj kur të bëjmë inaugirumin e shkollës së re dhe ndoshta atë dhe shumë personalitete që mund të ndajnë pak se si shkolla është fuqi, se dija është fuqi dhe fakti që një shkollë e mirë prodhoi një plejadë personalitetesh në shumë fusha të jetës do të thotë që arsimi dhe dija janë gjërat afatgjatë”, tha Veliaj.
