Veliaj tregon si Ilir Meta tentoi të bllokojë hapjen e dosjeve: Mund të ketë zhdukur dosjen në marrëveshje me Berishën

Kryetari i Bashkisë së Tiranës Erion Veliaj ka treguar mbrëmjen e sotme se si Ilir Meta u përpoq që të pengonte hapjen e dosjeve. Në një intervistë me Sokol Ballën në TCH përballë Roland Lamit dhe deputetit Agron Gjekmarkaj, Veliaj nënvizoi se ish-kryeparlamentari Meta u përpoq disa herë të mos lejonte hapjen e dosjeve.
“E njoh atë eksperiencë, Ilir Meta ka qenë kryetar Kuvendi. Kërkesa e Ministrisë sonë me aleatët tanë amerikanë dhe gjermanë ishte atë që Shqipëria s’mund të ishte me Rusinë që të mos hapen dosjet. Ne vendosim që të imitojmë procesin gjerman. Ky ishte motivi i kësaj përpjekje kur bashkë me Gentën dhe Fred Nuren në atë kohë bëjmë atë propozim. Ilir Meta thotë në atë kohë propozim shumë i mirë po mos keni probleme në PS? Kur ne flasim me kolegët tanë, thonë sekretari i partisë s’mund të ishte sigurims, PS kishte zero komplekse. Në atë moment Ilir Meta sjell një pretendim tjetër. Nëse komisioni Bezhani dhe Mezini i ka dhënë disa letra bakalli që thotë nuk keni dosje dhe s’je pjesë e Sigurimit, dhe nëse nuk e gjen fare dosjen, atëherë mos të bëjmë një punë të dyfishtë. Unë e pranoj isha i paditur në këtë fushë dhe thosha rëndësi ka të mos përsërisim punën. Por ka lindur një anomali ku Autoriteti thotë prit pak, letra bakalli janë dhënë pa e kërkuar dhe pa hapur fare dosjen. Por nevoja tregoi që dosjet e veta dhe nëse nuk gjendeshin ose nuk kërkoheshin, në dallim nga ligji Bezhani dhe Mezini ku dosjet ishin në Ministrinë e Brendshme, me ligjin që ne kaluam në 2015, të gjitha dosjet u vënë në dispozicion të Autoritetit”, tha Veliaj.
Veliaj ngriti dyshime se dosjet mund të jenë zhdukur qëllimisht për të fshehur të kaluarën si bashkëpunëtor të Sigurimit të Shtetit. “Me të drejtë kryetarja e Komisionit vjen një kërkesë dhe thotë filani, filani nuk i ka dosjet e zhdukura. Mund të kenë zhdukur dosjet e tyre për hir të një kompromisi politik, por nëqoftëse unë s’jam spiuni Ilir Metaj dhe ndërkohë kam zhdukur dosjen time politike prej kësaj marrëveshje me Berishën, ndërsa kam spiunuar, janë në dosjet e tyre. Kjo s’duhet të më bëjë imun që të mos shihet kontributi im në dosjet e secilit. Me të drejtë një komision kolegjial ka thënë: T’i hapim këto fletë dhe nëse është zhdukur dosja jote rrënjë, dosja jote degë ku ke spiunuar duhet të dalë. Me të drejtë komisioni i thotë Kuvendit që zbuluam që këto dosjet ekzistojnë dhe i thotë a do e hiqni këtë pengesë. Kjo është e gjitha”, nënvizoi Veliaj.
Në muajin korrik, Autoriteti për Informim mbi Dosjet e Sigurimit te Shtetit njoftoi se ka zbuluar një politikan të profilit të lartë politik, me inicialet I.M, që ka qenë pjesë e ish-Sigurimit të Shtetit në kohën e komunizmit.