Sri Lanka me mbi 21 milion banorë, po vuan tashmë një nga krizat e saja më të keqija ekonomike në dekada dhe prej disa ditësh populli ka marrë në “dorë” shtetin.
Kryeministri i ri i emëruar, Ranil Wickremesinghe i ka thënë ushtrisë që të bëjë “çfarëdo që është e nevojshme për të rivendosur rendin” pasi protestuesit sulmuan zyrën e tij të mërkurën.
Sri Lanka ka shpallur gjendjen e jashtëzakonshme, pasi presidenti u largua jashtë shtetit për t’i shpëtuar protestave antiqeveritare, pasi mijëra njerëz dolën në rrugë përsëri të zemëruar që ai ende nuk ishte dorëzuar.
Në një fjalim televiziv, Wickremesinghe u bëri thirrje protestuesve të largohen nga zyra e tij dhe ndërtesat e tjera shtetërore dhe të bashkëpunojnë me autoritetet.