Kreu i PD-së Lulzim Basha në një komunikatë për mediat komentoi vendimin e Këshillit të Europës për të mos dërguar vëzhgues për të dielën, duke e konsideruar fakt se zgjedhje në 30 qershor nuk do të ketë.
“Votimet e 30 qershorit janë nul, janë dhe do të jenë zero. Ato janë tentativë për grusht shteti i Edi Ramës për të rrëmbyer gjithë qeveritë e mbetura të Shqipërisë me të njëjtat banda e kriminelë që vodhi zgjedhjet ne 2015 dhe 2017. Opozita dhe qytetarët janë në këmbë në mbrojtje të kushtetutes. Ne nuk do të lejojmë votime të paligjshme dhe farsë, nuk do të lejojmë që në Shqiëri të instalohet përfundimisht regjimi autokratik, kriminal i Edi Ramës”, tha Basha.