Tensioni sa vjen e rritet mes Bjellorusisë dhe Polonisë, vendet aleate të Rusisë dhe Ukrainës përkatësisht. Vendimi i Varshavës për të mbyllur një pikë kufitare në Bobrowniki ka nxitur indinjatën e autoriteteve të Minskut, të cilët e cilësuan këtë vendim si “katastrofik”.
Në këtë mënyrë, nga shteti bjellorus paralajmëruan pasojat që mund të vijnë: “Veprimet e autoriteteve polake mund të shkaktojnë një kolaps në të dy anët e kufirit”.
Me këtë mbyllje, mbeten vetëm dy pika kufitare ende të hapura mes dy vendeve, në një kufi prej më shumë se 400 kilometrash që ndan Poloninë dhe Bjellorusinë. Nga Minsku theksuan se qëllimi i ekzekutivit polak është të “përkeqësojë më tej situatën në kufi dhe të kufizojë udhëtimin e qytetarëve”.