Analisti Erlis Çela, i ftuar në emisionin “Debat” e ka komentuar si një mesazh ndaj Lulzim Bashës, qëndrimin e aleatëve jashtë garës së 6 marsit, kur do të mbahen zgjedhjet e pjesshme lokale në 6 bashki të vendit.
“Pozicionimi i aleatëve për 6 marsin, sigurisht që do të kishte një domethënie politike. Nga kjo pikëpamje, zgjedhja që kanë bërë partitë e koalicionit të opozitës mund të quhet politikisht korrekt. Megjithatë, qëndrimi i tyre nuk është se tregon njëlloj paanshmërie, pasi në një lloj mënyre edhe duke qëndruar jashtë garës, ata kanë mbajtur një qëndrim. Duke pasur parasysh faktin që zoti Duka, por edhe aleatë të tjerë kanë qenë pjesë e ekipit të 25 prillit të udhëhequr nga Basha. Në këtë moment, vendimi për të mos marrë pjesë në 6 mars i jep një mesazh Bashës. Më e paktën që nuk janë të sigurt. Me këtë vendim, indirekt, ata i thonë Bashës që nuk e konsiderojnë njësoj si në zgjedhjet e 25 prillit”, u shpreh Çela.