Gjykata Kushtetuese ka pezulluar sot më 12 dhjetor 2025 vendimet e Gjykatës së Posaçme të Shkallës së Parë për Korrupsionin dhe Krimin e Organizuar, që ndalonin ushtrimin e detyrës nga zëvendëskryeministrja dhe ministrja e Infrastrukturës dhe Energjisë, Belinda Balluku.
Lajmi është pritur me entuziazëm nga ana e simpatizantëve të Partisë Socialiste në Fier dhe në Lushnjë. Pas vendimit në favor të zëvendëskryeministres, kanë shpërthyer fishekzjarre në Fier dhe në Lushnjë.
Kujtojmë se zgjedhjet e fundit më 11 maj, PS fitoi 12 mandate në Fier dhe Partinë Socialiste në këtë qark e udhëhiqte Belinda Balluku.
Vendimi i marrë këtë të premte, e rikthen menjëherë në detyrë Ballukun, duke pezulluar efektet e masës ndaluese, deri në përfundimin e gjykimit.
Gjykata Kushtetuese vendosi sot pranimin e ankimimit të bërë ndaj kësaj çështjeje dhe caktoi si datë për mbajtjen e seancës, 22 janarin e vitit 2026, ora 10:00.
Kësisoj, GJK vendos në favor të kryeministrit Rama, i cili pretendoi se pushteti i drejtësisë ka ndërhyrë padrejtësisht në pushtetin ekzekutiv. Rama nënvizonte se nuk ka shembull në arenën ndërkombëtare ku një prokuror apo edhe një gjyqtar i shkallës së parë të vendosë pezullimin nga detyra të një anëtari të qeverisë.