Nëpërmjet një urdhri të firmosur nga ministrja e Shëndetësisë, Ogerta Manastirliu, ndalohet lëvizja me automjete private apo shtetëtore të punonjësve të administratës publike lokale dhe qendrore, puna e të cilëve lidhet me qëndrimin në zyrë dhe jo në terren.
Sipas vendimit të shpërndarë nga zyra e shtypit e Kryeministrisë, përjashtim bëjnë vetëm punonjësit e Ministrisë së Shëndetësisë, ku përfshihet edhe personeli mjekësor dhe infermierët.
Gjithashtu, përjashtohen nga ky vendim punonjësit e Ministrisë së Mbrojtjes, Ministrisë së Financave apo të prefekturave dhe bashkive që janë përfshirë në listën prioritare të firmosur nga titullari i institucionit.
Vendimi, i cili hyn në fuqi menjëherë, detyron titullarët e posaçëm që të dërgojnë kërkesat me emrat e zyrtarëve pranë Policisë së Shtetit për t’u pajisur me leje të posaçme.
