Kryeministri i vendit, Edi Rama, po mban një konferencë për mediat, një ditë pasi u zhvillua seanca plenare në Kuvendin e Shqipërisë, ku me 82 vota kundër u rrëzua kërkesa e SPAK-ut për heqjen e imunitetit të deputetes Belinda Balluku.
Fillimisht, kryeministri citoi shkurtimisht disa nga çështjet tek të cilat do të ndalet në mënyrë shteruese, nga projekti i Porto Romano-s e deri te rritja e çmimit të naftës.
“Do ta nis nga vendimi i djeshëm i Parlamentit për jehonën terësisht të deformuar që iu dha atij vendimi. Kërkesa nuk përmbushte as kushtet minimale për t’u marrë në konsideratë. Ndërkohë, ajo tendenca për t’i dhënë përmasën e një fakti që do të bllokonte rrugën e Shqipërisë në BE, apo do të pengojë reformën në drejtësi, është një përpjekje e shëmtuar, madje në dëshpërimin e vet ka të gjithë ato përbërës që ka në të përditshmen tonë përpjekja për të bërë çmos që Shqipëria të pengohet”, tha kreu i qeverisë pikërisht për “bllokadën” që dje Kuvendi i vuri Prokurorisë së Posaçme për çështjen e ish-ministres.