Sulmuesi Zlatan Ibrahimovic është i vendosur të vazhdojë tek Milan, pavarësisht moshës dhe faktit se kush do të jenë pronarët e rijn të klubit. “Vendos unë”, deklaroi suedezi pak ditë më parë në një postim në rrjetet e tij sociale.
Pritet që Ibra të rikthehet sa më shpejt nga dëmtimi e më pas do të ulët në një tavolinë me drejtuesit për të diskutuar detajet e kontratës së re.
Ende nuk dihet se cila do të jetë e arhdmja e klubit kuq e zi, nëse do blihet nga fondi “Investcrop” apo jo. Sidoqoftë, sulmuesi do të jetë aty dhe do të diskutojë.
Si ç’raporton edhe prestigjozja italiane, “La Gazzetta dello Sport”, pronarët e rijnë të Milan pritet t’i besojnë sërish dyshes Maldini-Massara, kështu që Ibrahimoviç do e ketë shumë të lehtë të negociojë kontratën e re.
Gazeta shkruan se bëhet fjalë për një kontratë 1-vjeçare nga ku Ibra do të përfitojë 2 milionë euro në sezon, plus bonuse. Paratë dhe detajet e kontratës nuk kanë shumë rëndësi për suedezin, e rëndësishme për të për momentin është të rikthehet sa më shpejt në fushë.