Dy kontejnerët e parë nëntokësorë për mbledhjen e diferencuar të mbetjeve, u vendosën sot në sheshin “Sulejman Pasha” në kryeqytet, duke shënuar kështu edhe nisjen e pilotimit të teknologjisë së re për pastrimin e Tiranës.
Në Ditën Ndërkombëtare të Mjedisit, kryeministri Edi Rama shprehet se është hedhur hapi i parë drejt teknologjisë së re e cila mundëson mbledhjen e mbetjeve me kazanë të rinj nëntokësore.
Sipas tij, tashmë nuk do të ketë ndotje dhe se nuk do të vandalizohen kazanet.
Postimi:
Pastrimi është civilizim
*në Ditën Ndërkombëtare të Mjedisit, më në fund edhe në Tiranë hidhet hapi i parë drejt teknologjisë së mbledhjes së mbetjeve në qytet me kazanë të rinj nëntokësor, që nuk ndotin e as vandalizohen dot dhe që zbrazen me një mjet të posaçëm, duke i hapur gjithashtu rrugën ndarjes së mbetjeve në burim