Pas bujës së madhe që bëri në mbarë botën, më në fund çështja “Mbappe” ka marrë zgjidhje njëherë e mirë. Edhe pse francezi ende se ka konfirmuar vetë me gojën e tij dhe këtë pritet që ta bëjë në orët në vijim, tashmë është bërë e sigurt që sulmuesi do të qëndrojë tek Paris Saint-Germain dhe do të nënshkruajë një kontratë trevjeçare.
Pas publikimit të këtij vendimi, janë bërë publike edhe mesazhet që ka shkëmbyer ylli francez me presidentin e Real Madridit, Florentino Perez. Mbappe u përfol shumë për një kalim tek Reali dhe madje besohej fort se palët kishin arritur një marrëveshje. Por mesa duket, kjo nuk ndodhi. Kështu, El Chiringuito zbuloi mesazhin që KM7 i dërgoi Presidentit të Los Blancos për të njoftuar mos mbërritjen e tij në Spanjë.
“Ju informoj se kam vendosur të qëndroj në PSG. Dua t’ju falënderoj për mundësinë që më dhatë të luaj për Real Madridin, klubin të cilit kam qenë tifoz që kur isha fëmijë. Shpresoj ta kuptoni vendimin tim, ju uroj fat në finalen e Champions League”, ka shkruar Mbappe në mesazhin drejtuar Perezit.
🚨EXCLUSIVA @jpedrerol🚨
— El Chiringuito TV (@elchiringuitotv) May 21, 2022
🐢”Le COMUNICO que he DECIDIDO QUEDARME en el PSG”🐢
💣”Quiero AGRADECERLE la OPORTUNIDAD que me ha DADO de JUGAR en el MADRID, el club del que he sido FAN desde PEQUEÑO”💣
📲El WHATSAPP de MBAPPÉ a FLORENTINO📲 pic.twitter.com/CIXZsa0VZ7
Ndërkohë, pak më parë ka dalë edhe përgjigjja e presidentit të Real Madridit, Florentino Perez.
Nga ana e tij, shefi i “Los Blancos” u përgjigj me një mesazh i cili i shkoi drejtuesve të klubit francez.
“Më vjen keq për atë që ndodhi në ditët e fundit. Ata ju shkatërruan ëndrrën e fëmijërisë. Unë ju uroj më të mirën”, ishin fjalët e Florentino Perezit.
🚨🚨| Florentino Pérez’s reply to Mbappé:
— Madrid Zone (@theMadridZone) May 21, 2022
“I regret what has happened in the last days. They have broke the dream you had since you were a child.” @jpedrerol