Pas deklaratës zyrtare që shpërndau dy ditë më parë, Komisioni i Venecias ka publikuar zyrtarisht edhe raportin për shkeljet kushtetuese të presidentit Ilir Meta.
Në konkluzionet e këtij raporti thuhet se “në përgjigje të kërkesës për një opinion të kryetarit të Kuvendit të Shqipërisë, Komisioni i Venecias arrin në përfundimin se në mungesë të një dispozite ligjore për këtë çështje, Presidenti mund të anulojë zgjedhjet për organet e qeverisjes vendore në një situatë që plotëson kriteret për marrjen e masave emergjente. Edhe atëherë Presidenti ka nevojë për një bazë specifike dhe jo-ligjore për të shtyrë zgjedhjet.
Sipas opinionit të Komisionit, konkluzioni i tyre mbështetet në rregullin e përgjithshëm interpretues, ku shprehet kompetenca e urgjencës në Kushtetutë dhe ligjet kufizojnë përdorimin e çdo fuqie plotësuese të pashkruar të emergjencave në situata të jashtëzakonshme; kryesisht për situata me pamundësi faktike ose juridike të cilat nuk parashikohen në mënyrë të qartë në ligjin e shkruar për gjendjen e jashtëzakonshme.
“Anulimi i zgjedhjeve është i mundur vetëm në situata që plotësojnë kërkesën për shpalljen e gjendjes së jashtëzakonshme. Sidoqoftë, rregullat e zbatueshme kushtetuese për gjendjen e jashtëzakonshme nuk u ndoqën në këtë rast. As nuk kishte një konsensus politik, i cili do të lejonte krijimin e një baze ad hoc ligjore”, thuhet mes të tjerash.
Komisioni thotë se do të jetë çështje e Parlamentit dhe në fund e Gjykatës Kushtetuese të përcaktojë nëse anulimi, apo shtyrja e zgjedhjeve lokale do të thotë shkelje e Kushtetutës dhe nëse shkelja është e një karakteri serioz i cili do të lejonte fajësiin e presidentit. Por Venecia vëren në mendimin e saj një numër faktorësh tregojnë se mund të mos ketë pasur një karakter të tillë të nevojshëm për të vërtetuar një shkelje serioze.