Me dhjetëra mijëra venezuelanë kanë dalë në rrugët e kryeqytetit në atë që kundërshtarët e Nicolás Maduro shpresojnë të provojnë një pikë kthese për rrëshqitjen e vendit në autoritarizëm dhe shkatërrim ekonomik. Katër persona raportohen se kanë humbur jetën gjatë përleshjeve mes protestuesve dhe policisë gjatë natës së kaluar në Venezuelë, disa orë para nisjes së protestës së madhe të opozitës kundër qeverisë.
Protesta gjithashtu do ta shënojë simbolikisht 61-vjetorin e përfundimit të diktaturës ushtarake në vend, e cila kishte marrë fund në vitin 1958. Kryetari i Kuvendit Kombëtar, Juan Guaido, i cili e ka organizuar protestën, ka thënë se kjo do të jetë një ngjarje historike.
Presidenti i Venezuelës, i cili filloi mandatin e tij të dytë më 11 janar pas zgjedhjeve të diskutueshme, po përballet me një opozitë të riorganizuar, si dhe me rritjen e armiqësisë ndërkombëtare nga qeveritë e djathtë të SHBA, Brazilit dhe Kolumbisë.
Marshimi i së mërkurës vijon pas dy netë të protestave të dhunshme në lagjet e klasës punëtore të Caracas dikur bastione dhe mbështetës të qeverisë, duke treguar një shfaqje të dukshme të një kryengritjeje të armatosur nga anëtarët e rojes kombëtare, shkruan Guardian.
Në qendër të kryeqytetit, policia është mobilizuar me makina të blinduara dhe ishte vendosur në sheshin qendror Plaza Venezuela .
Protesta të tjera u planifikuan në të gjithë vendin dhe jashtë ambasadave në mbarë botën.
Juan Guaido, kreu i ri i asamblesë kombëtare të mbajtur nga opozita, përsërit thirrjet për anëtarët e forcave të sigurisë për të tërhequr mbështetjen e tyre për Maduro. “Sytë e botës janë në atdheun tonë sot”, tha ai në një cicërimi mëngjesin e sotëm.
Qeveria e SHBA ka sinjalizuar mbështetjen e saj për Guaidó dhe bëri thirrje për presidentin Maduro për tu larguar.
Relativisht i panjohur deri në këtë muaj, Guaido duket se e ka ringjallur opozitën e Venezuelës e cila prej kohësh ka qenë e mbushur me armë. Përpara inagurimit të Maduro, Guaido e përshkroi udhëheqësin si “uzurpues” dhe u sh preh i gatshëm për të marrë presidencën deri në mbajtjen e zgjedhjeve të hapura.
Ndaj këtij kaosi ka reaguar edhe Zëvendëspresidenti i Shteteve të Bashkuara të Amerikës, Mike Pence, i cili ka shprehur përkrahje për protestuesit. “Nicolas Maduro nuk ka legjitimitet për të qëndruar në pushtet. Ai duhet të largohet. Ne jemi me ju dhe do të qëndrojmë me ju deri në rivendosjen e demokracisë”, ka thënë Pence, shkruan BBC.
Sipas vëzhguesve të konflikteve sociale, një 16-vjeçar ndërroi jetë nga lëndimi me armë zjarri, ndërsa policia ka thënë se tre persona të tjerë kanë humbur jetën pasi kanë qenë duke vjedhur në dyqane dhe shtëpi të ndryshme, por nuk dihet se nga kush janë vrarë.
Por në vedn po mbahen edhe demostrata të tjera dhe ata janë mbështetësit e Maduro.
Demonstratat e së mërkurës vijnë vetëm dy ditë pasi 27 ushtarë të Gardës Kombëtare thuhet se u revoltuan kundër qeverisë në një postobllok roje në kryeqytetin Caracas.
Miliona veta kanë ikur nga Venezuela gjatë viteve të fundit në mes të një krize ekonomike që vazhdon dhe thellohet e sjellë nga një rënie e çmimit të naftës në vitin 2014.