Vepra e njohur e piktorit Pablo Picasso, “Femme nue couchee” pritet të dalë në ankand në muajin e ardhshëm me një vlerë prej 60 milionë dollarësh.
Piktura e cila i dedikohet ish-të dashurës dhe muzës së tij, Marie-Therese Walter e pikturuar në vitin 1932, mund të bëhet një prej portreteve më të vlefshme në ankandin që do të zhvillohet më 17 maj në New York.
Sipas CNN, portreti i rrallë vjen nga një nga vitet më produktive të karrierës së artistit dhe e portretizon Walter-in si një krijesë deti, me gjymtyrë gri, të përgjumur dhe fytyrën e një gruaje në profil.
Helena Newman, drejtuesja e ankandit në mbarë botën e Artit Impresionist dhe Modern, e përshkroi “Femme nue couchée” si një “vepër novatore, jashtëzakonisht sensuale”.
Picasso u takua për herë të pare me Walter në Paris në 1927 kur ajo ishte 17 vjeçe, ndërsa ai ishte i martuar me gruan e tij të parë, Olga Khokhlova, një balerin ruso-ukrainase. Walter do të bëhej frymëzim për disa nga vizatimet dhe skulpturat më të mira të Picasso-s.
Brooke Lampley, kryetare dhe drejtuese e shitjeve globale të arteve të bukura në Sotheby’s, shtoi se vepra është një “largim rrënjësor nga tradita, kjo pikturë e mrekullueshme është në të njëjtën kohë një odë thellësisht lirike ndaj dëshirës së pandërprerë të artistes për Marie-Thérèse;
Vitin e kaluar, na ankandin “Christie’s New York” u shit vepra ” Femme assise près d’une fenêtre (Marie-Thérèse) ” e Picasso-s për 103.41 milion dollarë, krahasuar me një vlerësim fillestar prej 55 milion dollarësh.