Pas më shumë se një muaji e shtruar, Blerta Josifi, e mbijetuara e vetme e familjes ka lënë ditën e djeshme ambientet e spitalit Psikiatrik të Tiranës, ku edhe kurohej që prej 2 korrikut. Gjendja e 34-vjeçares tani është e mirë dhe ajo është marrë për të jetuar nga të afërmit e saj.
Këta të fundit, premtuan se të renë do ta mbanin në shtëpinë e tyre, pasi sipas tyre ajo nuk mund të kthehej sërish të jetonte në banesën ku nëna dhe motra e saj ndërruan jetë.
Ngjarja e rëndë u zbulua mbrëmjen e 2 korrikut dhe tronditi opinionin publik. Në pallatin parafabrikat mbrapa ish-Mapos, rruga “Hamdi Cenoimeri”, dy trupat e vdekur të dy grave kanë “bashkëjetuar” për muaj me banorët e lagjes.