Në paradën ushtarake të javës së kaluar në kryeqytetin e Koresë së Veriut, makineria propaganduese nuk ishte fokusuar në imazhin e Kim Jong-un, por në nxjerrjen në pah të vajzës së tij të vogël.
Një kalë i bardhë u vu re në paradë, së bashku me raketat bërthamore dhe ushtarët marshues.
Kjo kafshë, siç zbuluan mediat shtetërore, është e preferuar e vajzës së liderit korean.
Është një vazhdimësi e paralajmërimit të rritjes së shpejtë të vajzës së re, që disa ekspertë besojnë se po përgatitet të udhëheqë vendin më të izoluar në botë.
Legjitimiteti i saj si pasardhëse e linjës mbretërore të vetëshpallur të dinastisë sunduese po forcohet.
Besohet se ajo është rreth 10 vjeçe dhe se është fëmija i dytë i Kim Jong-un. Në muajin nëntor ajo mbushi titujt e mediave botërore pas daljes së saj të parë në publik. Që atëherë, ajo shpesh ka qenë në qendër të vëmendjes në ngjarjet më prestigjioze në vend.
Nëna e saj, Ri Sol-ju, e cila besohet të jetë një ish-këngëtare e Orkestrës elitare Unhasu, është vajza e një profesori dhe gjinekologu nga Pheniani.
