Liz Truss nuk qëndroi më shumë se 45 ditë në krye të qeverisë britanike, megjithatë ajo nuk doli “duarbosh”.
Liderja e dorëhequr konservatore do të marrë një pension prej 133 000 në vit, por shumë besojnë se ajo nuk duhet ta marrë.
Liz Truss theu rekordin për mandatin më të shkurtër si Kryeministre në historinë e Mbretërisë së Bashkuar. Rekordi i mëparshëm ishte George Canning në 1827, i cili vdiq 118 ditë pasi mori detyrën.
Por për ligjin që rregullon funksionimin e qeverisë britanike, kohëzgjatja e detyrës ka pak pasoja. Liz Truss është një ish-kryeministre, siç ishte Tony Blair (10 vjet e 56 ditë në Downing Street), Margaret Thatcher (11 vjet e 208 ditë) ose Sir Robert Walpole në shekullin e 18-të, mbajtësi historik (20 vjet e 314).
Në një kohë kur Britania e Madhe po sheh rritje të inflacionit mbi 10%, pensioni Liz Truss-it po kritikohet padyshim nga bota e sindikatave.
“Në një kohë kur një në pesë nëpunës publik përdorin banka ushqimore dhe 35% e popullsisë i anashkalon vaktet sepse nuk ka ushqim, është qesharake që Liz Truss mund të marrë efektivisht një bonus prej 115,000 £”, tha Mark Serwotka, sekretari i përgjithshëm i Sindikata e Shërbimeve Publike dhe Tregtare, në gazetën Guardian.
Liz Truss ende nuk ka thënë nëse planifikon të mbajë përfitimet e saj si ish-kryeministre.