Rast i parë i pozitivitetit me Covid-19 në Euro 2020. Sipas asaj që Federata spanjolle komunikoi, Sergio Busquets doli pozitiv në testin e fundit të kryer nga grupi i skuadrës. Të gjithë anëtarët e tjerë të delegacionit rezultuan negativë. Pas pozitivitetit të Busquets, Federata e futbollit ka filluar të gjitha protokollet mjekësore të kërkuara nga UEFA, duke izoluar si masë paraprake lojtarët dhe stafin që kanë pasur kontakt me kapitenin.
Seancat me porosi tani do të aktivizohen për trajnimin e ekipit spanjoll. Në miqësoren kundër Lituanisë do të luajnë futbollistët nën 21 vjeç në vend të skuadrës së parë. Kampionati europian starton më datë 11 qershor e më shumë mundësi, mesfushori i Barcelonës mund të humbasë ndeshjet e fazës së grupeve. Ngelet për t’u parë se cili do të jetë vendimi i Spanjës, nëse do të largojnë lojtarin përfundimisht apo do të presin deri në momentin që të shërohet plotësisht.