Policia e Shkodrës ka dhënë dtaje lidhur me ngjarjen e ndodhur në Bushat, sipas së cilës bëhet fjalë për një 70-vjeçar që është vetëplagosur me armë.
Raportimet paraprake bën të ditur se ishin dëgjuar të shtëna armësh dhe se një person u gjet në kanal i plagosur, e që më pas u dërgua në spital.
Policia në versionin e saj thot se P.D., rreth 70 vjeç në oborrin e shtëpisë së tij është vetëplagosur me armë zjarri. Fatmirësisht ai ndodhet jashtë rrezikut për jetën.
NJOFTIMI ZYRTAR I POLICISE
Bushat/ Shkodër
Informacion paraprak
Më datë 21.08.2019, rreth orës 13.10, në oborrin e banesës dyshohet se është vetëplagosur me armë zjarri shtetasi P.D., rreth 70 vjeç, i cili është transportuar në Spitalin Rajonal Shkodër dhe ndodhet jashtë rrezikut për jetën.
Në vendngjarje, grupi hetimor ka gjetur dhe sekuestruar në cilësinë e provës materiale armën e zjarrit, me të cilën dyshohet se është vetëplagosur shteasi P.D. dhe vijon punën nën drejtimin e Prokurorit për sqarimin e plotë të rrethaneve të ngjarjes.