I ka dhënë fund jetës polaku 33-vjeçar, i cili rrëfeu se ka vrarë Andrean 7-vjeçar (djalin e partneres së tij) në Kypseli, ndërsa trupin e tij e fshehu për pesë vjet në kutinë e veglave të tij.
Ai u gjet i varur në qelinë e tij në burgun e Korfuzit, ndërsa pranë tij u gjet një çarçaf. Polaku nuk la asnjë shënim që shpjegonte arsyet.
Me 15 shkurt, zbulimi i policisë greke do të trondiste opinionin.
33-vjeçari sëbashku me partneren e tij 29-vjeçare, nëna e vogëlushit, u vunë nën akuzë për vrasjen e djalit 7-vjeçar. Histori fillon 5 vite më parë kur djali 7-vjeçar u zhduk. Kur fëmija u zhduk, nëna e tij pretendoi se 7-vjeçarin e kishte pasur babai, ish-bashkëshorti i saj në Poloni.
Por policia e cila nuk u bind, vijoi me hetimin e rastit dhe zbuloi se fëmija ishte varrosur në një kuti veglash në verandën e shtëpisë në rrugën Astypaleas në Kypseli. Të dy u arrestuan dhe pranuan krimin.