Kryeministri Edi Rama i është përgjigjur ish vartësit e tij Fatmir Xhafaj lidhur me ndryshimet në ligjin e vetingut në polici. Më herët, ish ministri i Brendshëm tha se nuk duhet të jetë SHÇBA ajo që do të bëjë skanimin në veting, pasi cënon bësueshmërinë e procesit, duke qenë se është në varësi të minsitrit.
Por Rama tha: “Ndryshimet e propozuara reflektojnë një qasje më praktike dhe ngarkojnë strukturën e brendshme të kontrollit të policisë së shtetit për ta çuar deri në fund këtë proces, pasi të kalojë e para në veting, duke bërë kështu dhe një kursim jo të parëndësishëm që na krijon më shumë hapësirë buxhetore për të vazhduar të mbështesim Policinë e Shtetit”.
Ai foli dhe për ndryshime në kodin penal përsa i përket goditjes për shkak të detyrës.