Edhe pse qeveria ka ndërmarrë një sërë nismash ligjore për uljen e ndotjes, duket se gjithçka mbetet vetëm në letër.
Nga një vëzhgim që Tirananews.al ka kryer përgjatë aksit Milot-Thumanë, vihet re se bizneset anësh rrugës djegin jo vetëm plehrat, por edhe gomat e vjetra të automjeteve duke u kthyer në burim të sëmundjeve respiratore të banorëve të këtyre zonave.
Por krahas rrezikut prej elementëve kancerogjenë që prodhohen nga këto goma, situata bëhet edhe më e rrezikshme nga djegia e tyre fare pranë rrugës ku kalojnë automjetet, duke krijuar për drejtuesit edhe vështirësi në pamje e burim aksidentesh.
Edhe pse kjo situatë ka kohë, ende nuk ka pasur asnjë reagim për përmirësimin e situatës.