Bodrumi i një qendre tregtare në qytetin Daejeon të Koresë së Jugut u përfshi nga flakët këtë të hënë.
Si pasojë e zjarrit, shtatë persona kanë humbur jetën.
Zjarri shpërtheu rreth orës 7:45 të mëngjesit dhe u përhap me shpejtësi, duke nxitur evakuimin e më shumë se 110 personave, përfshirë punonjës të qendrës tregtare dhe klientët në një hotel aty pranë.
Zyrtarët thanë se dëmi mund të ishte më i keq nëse zjarri do të kishte shpërthyer gjatë orarit të punës së qendrës tregtare.
Më shumë se 500 zjarrfikës dhe 90 automjete u angazhuan për të luftuar zjarrin, i cili u shua rreth orës 15:00.