Kryetari i Partisë së Lirisë, Ilir Meta, i ftuar mbrëmjen e djeshme në emisionin “Të paekspozuarit”, ka debatuar me Enton Abilekajn. Ky i fundit e akuzoi Metën se ai dhe ish-kryeministri Sali Berisha kanë marrë peng opozitën dhe se rikthimin e tij nuk e kërkoi populli, por u kthye vet.
Pjesë nga debati
Abilekaj: Kush ta kërkoi? Ja kërkuat ju vetes. Përmendët Fatos Nanon që pengonte integrimin, ai humbi dhe iku. Ju kemi 30 vjet. Nuk pamë asnjë popull që kërkonte rikthimin tuaj. Tre njerëz po e mbajnë peng politikën.
Meta: Ju e patë Konventën. Jo ore jo, nuk po ta mban njeri peng ty opozitën. Kush ju pengoi juve të bëni një opozitë? Unë isha president 5 vjet. O zotëri dilni dhe bëni opozitë.
Abilekaj: Nuk kam as fond, asgjë, i keni kapur ju, bashkë. Ca ju, ca opozita.
Meta: I ka pushteti.
Abilekaj: Bashkë i kapni, sistemi që keni ndërtuar ju, edhe juve kur ishit kryeministër i kapët. Edi Rama me ju dhe Sali Berishën doli në fushatë elektorale.
Meta: Edi Rama i kishte blerë, ka kohë.
Abilekaj: Sot po flasim për atë që keni bërë ju, jo për atë që ka bërë Edi Rama.