Në SHBA ndodhi një aksident i frikshëm në rrugë, por që pavarësisht dëmeve të mëdha, përfundoi pa viktima. Ishte kamera brenda një veture në lëvizje që filmoi aksidentin, ku mjetet u përfshinë nga flakët në Dublin të New Hampshire-s.
Policia ka deklaruar se një 18-vjeçar që po e ngiste veturën Jeep doli në korsinë e kundërt të rrugës duke u përplasur me një kamion, nga i cili shpërtheu boti i karburantit duke shkaktuar një zjarr të madh.
Bëhet e ditur se adoleshenti u plagos rëndë dhe u dërgua në spital me helikopter, ndërsa drejtuesi i kamionit dhe dy persona që ishin brenda veturës Toyota Sienna pësuan lëndime të lehta. Mbetet ende e paqartë se çfarë e ka detyruar adoleshentin ta bëjë këtë gabim trafiku.