Një nga zërat më të spikatur të muzikës shqiptare, Anxhela Peristeri ka shprehur hapur shprehur hapur mbështetjen për kryebashkiakun Erion Veliaj edhe për një mandat të dytë në krye të Bashkisë së Tiranës. Gjatë takimit hapës të fushatës për zgjedhjet e 30 qershorit në Parkun Olimpik, këngëtarja e njohur theksoi se më 30 qershor do të votojë Erion Veliaj për punën e bërë në këto katër vite, lagjet e pastra të Tiranës me ndriçim, një qytet i lulëzuar, i gjelbëruar, ku të gjithë do të mund të rrisin fëmijët. “Unë personalisht vrapoj çdo ditë dhe mund të them që Tirana tashmë është bërë një metropol që unë do doja të jetoja vetë dhe të rrisja familjen time në të ardhmen. Kjo gjë meriton vërtetë një duartrokitje dhe pikërisht në 30 qershor, ajo që unë do votoj është pikërisht kjo punë që unë kam parë të bëhet në këto 4 vite, lagjet e pastra të Tiranës me ndriçim, një qytet i lulëzuar, i gjelbëruar, ku të gjithë ne do të mund të rrisim familjen tonë dhe fëmijët tanë”, theksoi Anxhela Peristeri. Teksa ndau edhe eksperiencën e saj kur jetonte në Greqi, Peristeri shprehu bindjen absolute se Tirana po ecën me hapat e ndryshimit të qyteteve europiane, ç’ka meriton një superduartrokitje. “Unë kam jetuar shumë vite jashtë dhe mund t’ju them me bindje që Tirana po ecën me hapat e ndryshimit të qyteteve europiane, prandaj edhe kjo meriton një superduartrokitje. Prandaj do ta mbyll duke thënë që ky është metropol europian që unë dëshiroj, që ecën para dhe jo mbrapa”, tha Peristeri.
Add A Comment