Një video e bërë virale tregon një ari të egër në rrugët e Karolinës së Veriut, ku shihet se ai di t’i respektojë mirë rregullat ndërsa kalon rrugën.
Ariu kujdeset që të jetë në vijat e bardha dhe shikon mirë në të dyja anët përpara se të kalojë.
Videoja është publikuar nga Departamenti i Policisë Asheville në rrjetin social “Facebook”. Sipas tyre, ariu ishte duke ecur nëpër zonën e qendrës së qytetit të enjten, më 21 prill, ndërsa dëshmitarët thirrën policinë.
“Ariu i zi, dukej se donte një ditë në park, ku shumë njerëz po shijonin ditën e tyre në qendër të qytetit,” thuhet në postimin e departamentit të policisë.
Si ç’tregojnë pamjet, në një moment, ariu shikoi me kujdes përpara se të hynte në vendkalimin e këmbësorëve dhe të kalonte pranë hapësirës së shitjes me pakicë.
Departamenti i Policisë në Asheville vuri në dukje se ndërsa vlerësonte natyrën “e bindjes së ligjit” të ariut “ishte e rëndësishme që ariu të kthehej në një zonë të pyllëzuar për siguri”.