Që në orët e para të mëngjesit ka pasur reshje shiu në të gjithë vendin. Autoriteti Rrugor Shqiptar njofton se në Bogë-Theth ka pasur reshje dëbore, në Qafë Thore reshjet kanë qenë me intensitet.
Kontraktorët me mjete e punëtorë kanë qenë në terren gjatë gjithë natës për të mbajtur qarkullimin në normalitet
“Tregoni kujdes të shtuar gjatë drejtimit të mjetit në kohë me reshje, pajisuni me goma dimërore dhe zinxhirë kur udhëtoni për në zonat malore, ulni shpejtësinë, respektoni sinjalistikën dhe udhëzimet e Policisë Rrugore”,-thuhet në njoftim.