Supersfida e sotme mes Arsenal dhe Manchester United e cila u luajt në “Emirates” përfundoi me fitoren e toçinjëve me rezultatin 3-1.
Skuadra londioneze kaloi në avantazh që në minutën e 3-të të lojës, ku Tavers zhbllokoi shifrat. Ndërkohë në të 28-ën, Nketiah dyfishoi shifrat por më pas u anullua nga VAR për pozicion jashtë loje.
Por pak më vonë, në minutën e 32-të, Saka realizoi golin e dytë nga pika e bardhë e penalltisë. Ndërsa dy minuta më pas, C.Ronaldo realizoi një gol nga një aksion tepër i bukur.
Ishte një ndeshje e luftuar nga të dyja palët ku nuk munguan rastet e shumta, pasi të dyja ekipet kërkonin me ngulm fitoren.
Pjesa e dytë dukej sikur nisi në favorin e United pasi ata fituan një penallti, porn ë minutën e 57-të, Bruno Fernandes gaboi mundësinë e artë. Në minutën e 61-të, Cristiano Ronaldo shënoi por gjyqtari akordoi pozicion jashtë loje.
Qershia mbi tortë erdhi në minutën e 70-të, ku Granit Xhaka lëshoi një “raketë” nga distanca duke vulosur shifrat në 3-1.
Me këtë rezultat Arsenali ngjitet në vendin e katërt me kuotën e 60-të pikëve, ndërsa Manchester United në vendin e gjashtë me 54 pikë, ku duket qartë rrezikimi për most ë prekur zonën Champions.