Kënga “Leje” e Ronela Hajati e cila u publikua në fillim të tetorit në bashkëpunim me Klement, ka qenë padyshim një hit dhe numëron disa miliona klikime në “Youtube”. Madje, kënga ka tërhequr dhe vëmendjen e serbëve. Këngëtarja Tea Tairovic ka publikuar këngën në versionin serb.
Mediat serbe raportojnë se Tea ka paguar 10 mijë euro për të blerë këngën e Ronelës, e cila numëron disa miliona klikime në Youtube. Mediat shkruajnë se Ronela u bë e njohur për publikun serb si përfaqësuesja e Shqipërisë në edicionin e këtij viti të Eurovision që u mbajt në Torino.
Nuk lënë pa përmendur dhe simbolin e Shqipërisë së madhe që këngëtarja bëri në fund të performancës në Torino, ndërsa e cilësojnë dhe si një skandal.